కేటీఆర్‌పై కేసు నమోదు..

11:17 - November 24, 2018

తెలంగాణ అసెంబ్లీ ఎన్నికల నేపథ్యంలో అధికారులు కొరడా ఝులిపించారు. కంటోన్మెంట్ ప్రాంతంలో ఎన్నికల ప్రచారం నిర్ణీత సమయం దాటడంతో టీఆర్ఎస్ అభ్యర్థి సాయన్న, ఇతరులపై ఫ్లయింగ్ స్క్వాడ్ పోలీసులకు ఫిర్యాదు చేసింది. ఈ నేపథ్యంలో మారేడ్ పల్లి పోలీసులు కేసు నమోదుచేశారు.సాయన్నకు మద్దతుగా గురువారం రాత్రి 10.30 గంటలు దాటినప్పటికీ మంత్రి కేటీఆర్ మారేడ్ పల్లి చౌరస్తాలో రోడ్ షో నిర్వహించారు. ఈ నేపథ్యంలో ఎమ్మెల్యే అభ్యర్థి సాయన్న, ఇతరులపై ఐసీపీ 341, 188, 67 సెక్షన్లతో పాటు సిటీ పోలీస్ యాక్ట్ కింద కేసు నమోదు చేసినట్లు వెల్లడించారు. ఈ ఘటనను గుర్తించిన ఫ్లయింగ్ స్క్వాడ్ అధికారులు మారేడ్ పల్లి పోలీసులకు  ఫిర్యాదు చేశారు. కాగా, ఈ విషయమై మారేడ్ పల్లి పీఎస్ సీఐ శ్రీనివాసులు స్పందిస్తూ.. ఎన్నికల ఫ్లయిండ్ స్క్వాడ్ నుంచి తమకు ఫిర్యాదు అందినట్లు తెలిపారు.